फेसबुकमा पछ्याउनुहोस्
काठमाडौँ । नेकपा माओवादी केन्द्रका उपमहासचिव तथा प्रतिनिधि सभा सदस्य जनार्दन शर्माले राजतन्त्र कुनै हालतमा पनि नफर्किने बताएका छन् । बुधबार प्रतिनिधि सभा बैठकमा बोल्दै उनले यस्तो बताएका हुन् ।
उनले भने, ‘वंशनाशसँगै समाप्त भएको राजतन्त्र अब फर्किँदैन, बरु समाजमा बाँकी राजतन्त्रात्मक सोच शैली, प्रवृत्ति र व्यवहार भने अन्त गर्नै पर्दछ । आफैँभित्रको राजतन्त्र अन्त गर्न लाग्नु आजको मुख्य काम हो ।’
नेता शर्माले राजतन्त्र फर्किन्छ कि भन्दै अनावश्यक शंका गर्न जरुरी नभएकोले त्यस विषयमा होहल्ला गर्न जरुरी नभएको पनि बताए ।
