माओवादीको तराई मधेश जागरण अभियान चैत २० देखि बाँकेबाट पुनः सुरु हुने

काठमाडौँ ।

माओवादीको तराई मधेश जागरण अभियान चैत २० देखि बाँकेबाट सुरु हुने भएको छ ।

सोमबार बसेको पदाधिकारी बैठकले बाँकेबाट सुरु गर्ने निर्णय गरेको प्रवक्ता अग्निप्रसाद सापकोटाले जानकारी दिए ।

झापाबाट फागुन १२ बाट सुरु भएको अभियान चैत ८ मा स्थगित भएको थियो । बाँकेबाट सुरु गरी महेन्द्रनगरमा पुगेर कार्यक्रम सक्ने माओवादीको तयारी छ ।

अभियानको समीक्षा गर्दै जनतासँग जोडिन महत्त्वपूर्ण भएको माओवादीको निष्कर्ष छ ।