संसद्को हिउँदे अधिवेशन आजदेखि अन्त्य

काठमाडौँ । संसद्को हिउँदे अधिवेशन आजदेखि अन्त्य भएको छ ।

राष्ट्रपति रामचन्द्र पौडेलले आज राति १२ बजेदेखि लागू हुने गरी अधिवेशन अन्त्य गरेको राष्ट्रपति कार्यालयका प्रवक्ता शैलजा रेग्मी भट्टराईद्वारा जारी विज्ञप्तिमा उल्लेख छ ।

आजको प्रतिनिधि सभा बैठकमा सभामुख देवराज घिमिरेले संसदको चालु अधिवेशन आज राति १२ बजेबाट अन्त्य हुने जानकारी सभा समक्ष गराएका थिए ।